Igrači protiv Murinja

139 19.03.2018 11:58 Volcano sport tim

Situacija u Mančester junajtedu iz dana u dan je sve gora, a posebno je napet odnos igrača i Žozea Murinja. Menadžer Junajteda je kritikovao skoro cijelu ekipu nakon pobjede nad Barnlijem u FA kupu, a pogotovo se okomio na Luka Šoa.

Izvadio ga je iz igre već na poluvremenu, čime je po svojoj prilici uništio nade lijevom beku da se nađe na spisku reprezentacije za Mundijal u Rusiji. Šo je na odlasku, a britanski mediji pišu da će čak devet igrača Junajteda na ljeto, uglavnom zbog Murinja, napustiti ''Old Traford''. Britanski Telegraf piše da je odnos Portugalca prema Šou bila kap koja je prelila čašu strpljenja igrača i da se svlačionica okrenula protiv ''Posebnog''. 

Jedini koji ga brani je Nemanja Matić, jedan je od rijetkih igrača Junajteda koji nema problem sa Murinjom.
- U karijeri nijesam imao puno velikih trenera. Žoze je jedan od takvih. Poseban je jer u svakoj utakmici traži pobjedu. Poraze teško prihvata i zato je u karijeri osvojio više od 20 velikih trofeja. Istina, teško je raditi sa njim, jer uvijek traži više. Čak i ako mu ekipa osvoji titulu, on smatra da to nije dovoljno i zahtijeva odbranu titule. Takav je, kakav je, mi igrači moramo biti spremni i prihvatiti ga - rekao je Matić.
TIP 1X2
TIP DANA
Totenhem VS Votford
19.10.2019 16:00