Trener Zenita Roberto Manćini rekao je da bi volio da bude selektor Italije.
Poslije šokantne eliminacije iz baraža za Mundijal od Švedske, “azuri” su smijenili Đampjera Venturu, a otad se nagađa ko bi mogao da ga naslijedi.
“Za mene bi selektorska funkcija bila ispunjenje sna. Kao igrač nisam uspio, ali se nadam da bi na klupi došao do velikog trofeja sa Italijom”, rekao je Manćini.
Popularni Manćo ima veliko trenersko iskustvo jer je kao šef stručnog štaba predvodio Fiorentinu, Lacio, Inter u dva navrata, Mančester siti, Galatasaraj i sada Zenit.